.....;;;|| The space inside me ||;;;......

...To a very special friend ...

where are you my friend...

alone

cant stay in the buttom of the sea

because of the current waves

and the tide inside

so much space I see

infront of me.....

where is my friend ....

.........

alone

laying on the sand

can't feel my hand

wondering , where you would be ?

too much space i can see

infront of me .......

........

I will leave my town

for an imaginary crown

for illusion

and not my vision

for too much space , without you , I will see ....

.............

cant stop singing

thinking of you

surfing in your ocean blue

why

I have to go ?!

space inside

tied to my mind

now , I see

...............
a cool breeze hits me

on wet grass

my thoughts fly

my eyes up there , in the sky

my heart starts to cry

illusions are high

alone ,, in my space ,, I try

alone ,, without you ,, i have to stay

too much space I see

infront of me without the closest friend to me
.......

Loay el mahdy 7-2009

عاش الملك

أسقطوا ملكا

وجاؤوا بمئة سلطان
دمروا عرشه
و جلسوا على
كل عروش العالم
و اطالوا الجلوس
حييييين من الزمان


أنهوا فترة فساد
و بدؤوا عهود افساد
افترشوا العزاء
وملؤوا الأرض بكاء
على جنود أصيبوا
فى معركة ضد الشرفاء
وأبقوا شعبهم
دائم الحداد


حزن من بعد حزن
من قبل حزن قادم
وكوارث
و اهمال
ونظرات ازدراء
من سارقين أثرياء
وعصا اقتياد
وعسكر الجلاد
ومشانق الاتقياء


أوقفوا المحاكم المختلطة
وأنشأوا المحاكم الملفقة



ان كان هذا حكمهم
فعاش الملك
و ياليت ما كان
من ثورة
عاش الملك
و ليمت كل من قاد
و كل من ساد
وكل من ترك الشعب
فى سواد

...............................
كنا نحيى ملكا واحدا
وأصبحنا نحيى الأب ولابن والسيدة الأولى
وكل منهم على حياد
عاش الملك و عاش

عصر الاستبداد

................

حالة خيال

أمسكت بفرشاتى
و أرتأيت ماذا

اجنى

أبقيت نفسى

فى داخلى

أبحث

عنى

فى خيالى

وأضعت طريق العودة منه

وفقدت فى بحور

ارتجالى

وسألت نفسى

لم أعود

إلى عالم الأوجاع

وآلام حبى

و عذاب اشتياقى

ولم أحبس نفسى فى غيابة الجب

وغياهب الجهل

مع قومى وأعدائى

فبقيت حرا

أسبح فى خيالى

طليقا

بعيدا عن أعين الرقباء

ماشية مش اللى هية

ماشى كدة فى حالى والله

وفى ايدى قرطاس طعمية

لقيت واحد منهم غتيت

بيسألنى سؤال عبيط

انتا يبنى

ايه اللى ممشيك هنا؟؟؟

يا باشا انا أعرف ان الناس

بتمشى الصبحية

لو منعتوها يا باشا

أمشى المغربية

أو ممشيش الماشية دية

شكل حضرتك مش عجبك مشيتى

ولا قميصى

ولا كرافتتى

أغيرها أحرقها ؟؟ هولعها

شكلك بتتكلم كتييير

و بؤ كبير

ادينى بطاقتك ورينى بقى آخرك

غريبة

سليمة

لأا و متينة

أيوةة يا بية أصلها الرقم القومى

مش بطاقة عادية

متبظش من الغسيل

ربنا يكرمه ويخليلنا سيادة الوزير

بس بس بطل رغى

......

فى هنا مظاهرات

ما تمشيش من الشارع اللى فات

ولا اللى قدامك ولا للى وراك

حضرتك عايزنى أطييير

بس أنا أكيد بعرف أطير

أصلوكوا يا باشا عارفين كل حاجة

اكتر معرف نفسى بكتير

بس هيا فين المظاهرات ؟؟؟

مفيش هتافات

ولا رجالة ولا تقطيع هدوم بنات

آآآآهه فهمت

دى احتفالية للشرطة

كوووووووووووولها عساكر بركة والله

احتفال للشرطة

مناسبة دخول المصفحات

والدبابت

مش الى هناك ديه دبابة ؟؟

و هييجى الرأس الكبيرة

يقطع الكحكة والتورتة

أى كلام

اسمه لؤى

بيكتب أى كلام

ربنا يشفيه
من الخرف اللى هوا فيه
الله يهدى

بتقول كدا ليه
انت شكلك
ما سمعتش بيه
دا ولد شرانى
واد كداب
بيقول كلام غير الكلام
كلاب هباب
عن سيادة البيه الكبير
وسيادة البيه الوزير
وسيادة الناس الكويسين
سيادة الناس اللى فوق
الطيبين

خليه كدة
سيبوة كدة
لحد ما يجيلوه سيادة العقيد
وسيادة العميد
بأمر سيادة اللوا
و يخدوه
ويلبسوه
ويكوروه
ويلعبوا بيه
كوره
بس شراب
أصله يا ناس كداب

فى الحقيقة هوا مرتاب
اه خايف يعنى
من الكلاب
قصدى
من العتاب
و من كمان البواب
أصله منهم
البيه البواب
معلق كارنيه
عشان تقوله يا بيه

من الاخر كدا
لؤى هيتقبض عليه
ويعتقل من غير
محاكمة
من غير
مرافعة
من غير قاضى
أصلهم يا عينى مش فاضيين
من غير حساب

ربنا يستر على اللى بيقرأ
المدونة
مش عامل حساب

أيام زائلة

فى نفسه كان قد عقد العزم
على الذهاب
فى نفسه
كانت ذكريات العذاب
فى نفسه
انخفض صوت العتاب
عتاب السكون والهوان
وقرر الا يكون من الساكنين
المتخوفين
فى كل وقت وحين
........
وانطلق الى الطريق
المحتوم
طريق الشهداء العظيم
فيموت شهيدا
خير من ان يعيش من المتخاذلين
..............
استشهد وكان من السابقين
اسأل الله أن اكون انا والصالحين
من اللاحقين
وانى الى الله من الراجعين
.........
بارك الله فيك ومن تبعك من المسلمين
اخذت الحياة ذلا وعوضها الله لك فى جنات النعيم
فامسيت من الخالدين
ورافقت من نحن اليه
مشتاقين
رافقت الرسول الكريم
النبى الامى الامين
....
تركت الحياة لنا بها هانئين
تركتنا فى الذل به مسرورين ....
.................

فقرة من قصيدة " أيام زائلة

قصيدة افتتاحية

مش على عادتى

قلت اكتب قصيدة
عامية
واسبنى شوية من اللغة العربية
الفصحى المعقدة دية
قولت اجرب اشوف بعرف اتكلم زى الناس
ولا مبقتش من الناس العادية
...........
محتار اتكلم عن ايه ولا ايه
مليون موضوع فى دماغى
شاغل الناس
وشاغل........ية
...........
اتكلم عن الناس الجعانة
ولا الناس اللى مش لاقيين
لقمة هنية
ولا نقطة مية
والناس اياهم قعدين
واكلين شربين
سرقين
مستريحين
نيميين
ولا فى بال اهليهم واحد من الناس دية
.................
يوووة هكتب اية ولا اية
القومية العربية
ولا الخيبة الازلية
ولا الخيبة العربية الازلية
ولا التفرقة الاسلامية
ما هما كدة بقوا خبتين
هنستحمل اية ولا اية
..........
ولا سيبوكوا من دة كله
اية رأيوكوا فى المسخرة اللبنانية عالمصرية
قصدى الفشخرة الفضائية
قصدى الموسيقى العربية
والفنون الابداعية
اهى حاجة تفرحنا
وترقصنا
وتهيصنا
ولا اكتب فى الرياضة المصرية
ومفيش رياضة فى مصر غير الكورة السحرية
حتى ديه فيها بلطجية
وشللية
اصل واحد زملكاوى
بيقول ان الأهلى خد الدورى
بحبة بلطجية....
ونسى اللى عمله المستشار والنايب بتاعه
فى بعض
بحبة شمحتجية
..........
يووة هوا مفيش حاجة عدلة فى البلد دية
فين العشا يا ولية
...............
-هذه القصيدة قصيدة ارتجالية مية في المية